Lima ka sekreto nga angayan natong makit-an sa dili pa kita mamatay

Ning panahon sa Semana Santa, tugoti ko nga atong isentro ang atong pamalandong sa lima ka  sekreto nga angayan natong madiskubrehan sa dili pa kita mamatay.

1. Ang Unang Sekreto: Pagmatinud-anon sa imong kaugalingon.

Dunay duha ka matang sa mga tawo. Ang Tinuod ug dili Tinuod. Ang mga tawo nga Tinuod ang maantigong mobarog sa ilang mga desisyon bisan unsa pa man ang mahitabo. Samtang ang mga dili tinuod ang magpaling-paling sa mga desisyon nga ilang pagahimoon. Ang pagkamatinud-anon sa kaugalingon ang nagkahulogan og:

a. Pagpuyo sa kinabuhi nga nahigmata kon Conscious.

b. Pagpuyo sa kinabuhi subay sa atong destiny. Kun maghisgot kita og destiny, dili kini usa ka lugar o kahimtang lamang, hinunoa, nalambigit usab niini ang matawag natong disposisyon nga atong gihatag sa panahon nga mohimo kita og mga desisyon.

c. Pagpuyo sa kinabuhi nga subay sa atong pagpili.

Ikaw nagmatinud-anon ka ba?