Unsay buhaton kun kaduha marehistro sa NSO

Dear Atty. Divine:

Duna lang unta koy pangutana labot sa akong birth certificate. Karong bag-o lang nako nahibaw-an nga kaduha diay ko gi- rehistro hinungdan nga duha ang akong registration sa NSO. Didto konatawo sa Davao City ug giparehistro ko sa akongmama didto. Apan sa dihang gidala ko sa akong lola sa Manila sa dihang ako 1 month old iya sab ko nga giparehistro.

Karon naglibog ko kun unsay akong gamiton ngaBirth certificate? Unsa may akong buhaton aronmatangtang ang usa nako nga rehistro? Daghang salamat. — Nilo

Dear Nilo,

Ang una nimong registration diin ka matawo maoy angayan nimong gamiton. Kay ang sakto gyud unta inigkatawo sa bata iparehistro gyud kini dayon kun diin siya matawo. Posible nga wa masayud ang imong lola nga narehistro kana sa Davao hinungdan iya kang giparehistro sa Manila. Kung gusto ka nga matangtang ang imong ikaduhang registration sa NSO kinahanglan kang mopasaka og petition sa korte kun diin gipahigayon ang pagrehistro kanimo so kun sa Manila ka giparehistro pag-usab adto sab nimo i-file ang petition alang sa pagkanselar sa imong ikaduhang registration sa NSO. Magkinahanglan ka og abogado nga mo-prepare sa imong petition ug magkinahanglan sab kini og publication. Ang maayo nimong buhaton karon mao ang pagduol og abogado aron ma-prepare ang imong petition. Thanks and God bless. — Atty. Divine

Kun ikaw adunay pangutana ipadala lang sa Legal Corner sa Banat News sa V. Gullas Street, Cebu City or email sa [email protected] ug akong tubagon ang inyong pangutana pinaagi sa akong column matag adlaw'ng Miyerkules ug Domingo.