Tawo nga dili buot atubangon Temang nalambigit: Dili makadawat, kawala’y kapasayloan

Kun diha sa imong damgo dunay tawo nga buot unta makigkukabildo kanimo, apan ikaw mismo ang nagdumili sa pag-atubang kaniya mahimong ang maong kasinatian ang nagpahigmata kanimo sa buhing kamatuoran nga ikaw mismo ang wala makadawat sa maong tawo diha sa imong aktwal nga kinabuhi. Mahimong siya imong inahan, amahan, igsuon ug uban pang mga significant others nga naka-impluwensiya kanimo. Ang maong kasinatian ang mahimo nimong gamiton ingon nga usa ka therapeutic approach sa pag-ayo sa imong samaran nga kasinatian diha sa paghatag sa imong pasaylo sa hinay-hinay apan sa tino nga paagi.