Payaso

Temang Nalambigit: Panlimbong

Nasuwayan ba nimo nga diha sa imong katulogon ikaw gilingaw sa usa ka payaso (clown)? Mahimong ni-representar kini sa imong mga pagduda ug kahadlok diin ang imong kaubanan ang nilingaw nimo aron ikaw ilang limbongan. O dili ba mahimo usab nga ang maong kasinatian sa aktwal nga kinabuhi diin ikaw nahimong limbongan usab sa imong kaugalingong kahimtang. Pinaagi sa dili pagdawat sa mapait nga kamatuoran, ikaw ang nahimong malimbongon sa tinuoray nimong pagbati. Dili nimo buot nga masayud ang kalibutan sa imong kahimtang. Apan mas maayo nga imong usisahon ang pahimangno sa bandang Missing Felimon sa ilang awit nga suroy-suroy: " Luyo unya sa akong katawa, tan-awon ta og may kalipay ba!"