Unsaon paghimong legal sa panagtipon kun ang iyang kapuyo nagpabiling minyo?
“Dear Atty. Divine;
Maayong adlaw kanimo Atty, nagpasalamat kaayo ko sa imong column sa Banat News kay nakahatag kini og dakong tabang ngadto sa katawhan.Tawga lang ko sa ngalan nga Miss Hopeless. Aduna ko'y problema sa akong live- in partner. Kini akong live- in partner minyo ug kasal sa huwes kaniadto. Dugay na sila buwag sa iyang unang asawa. Naa silay usa ka anak. Ang bata tua sa inahan ug ang inahan niini naa na pod laing kaipon ug naa na pod sila'y usa ka anak. Almost 10 years na silang buwag. Ang akong pangutana attorney kun naa pa ba ko'y paglaom nga makasal mi? Kay karon mag sige pa man siya og samok namu bisag naa na siyay iyang kapuyo.Naa na ba ko'y katungod nga masuko kung iya pa mi hilabtan? Kay sa kadugay na namu nag-ipon gusto na gyud ko makasal kay 6 years na mi nag-ipon ug walay bendisyon. Manghinaot ko Atty nga imu kong pasabton kung unsa'y angay naku nga buhaton. Magpaabot ko sa imong tubag Atty.DAGHAN KAAYO SALAMAT.
Miss Hopelessâ€
Dear Miss Hopeless,
Bisan pa kun napulo na ka tuig nga nagbuwag ang imong live-in partner ug ang iyang unang asawa kun way deklarasyon sa Korte nga nag-annul sa ilang kaminyuon o nagdeklarar nga null and void sa ilang kaminyuon hayan dili gyud kamo mamahimong magpakasal. Kini tungod kay sa mata sa balaod nagpabilin man silang minyo ug ang korte lang ang makaputol sa maong kaminyuon. Busa kon gusto gyud ka nga mamahimong legal ang inyong panagtipon mamahimo man kini kun mo-file og annulment o ba kaha declaration of nullity of marriage ang imong live-in partner aron ma annul ang iyang kaminyuon sa iyang unang asawa.
Kun ang Korte mopabor sa Petition sa imong live-in partner then mamahimo na unya kamong magpakasal. Ang maayo ninyong buhaton karon mao ang pag-adto og abogado aron iyang matun-an kun aduna bay basihan o ground sa pagpa-annul sa kaminyuon sa imong live-in partner ngadto sa iyang unang asawa. Kun pananglit aduna siyay makitang basihan o ground nga ipa annul ang kaminyuon sa imong live-in partner then iyang ipasaka ang petition ngadto sa Korte. Hinaut nga akong natubag ang imong pangutana. Thanks and God Bless.
Atty. Divine
Alang sa inyong mga pangutana may kalabutan sa problemang legal, ipadala lang sa Legal Corner sa Banat News sa V. Gullas Street, Cebu City or email sa [email protected] ug akong tubagon ang inyong pangutana matag adlaw’ng Miyerkules ug Domingo dinhi ning atong column.
- Latest
