^

Banat Opinyon

Blocktimer miatik ni JVR

TINGOG SA KATAWHAN - Javier Y. Tapulado - Banat

Dinhay higayon nga nagkakuyog ang radio blocktimer ug si JVR pagsakay sa usa ka SUV. Pag-abot nila sa usa ka dalan sa Talisay City nga adunay ‘No Stopping Anytime’ signage, mihunong sa tungod ang maong sakyanan kay si Mayor Johnny V. de los Reyes (JVR) adunay gustong tan-awon sa palibot.

Sa wala pa makakanaog si JVR, giduol sila sa traffic enforcer aron dakpon ang drayber. Buanga, nasuko man ang blocktimer? Nagyawyaw nganong gisita sila sa enforcer nga si JVR man ang sakay?

Natandog ang garbo ni JVR. Kay gidagkotan sa blocktimer, misilaob ang ego sa mayor. Gidabodabohan sa nagkapuliki niyang kasaba ang tinugyanan sa balaud, uy! Luoya sa enforcer. Nahisagmuyo intawon sa gipakitang taras ni JVR.

Ang traffic enforcer nga igo lang miimplementar sa balaud sa kadalanan, mao pa man hinuoy gipakasala nilang JVR ug sa sipsip nga blocktimer. Husto ba ang gibuhat sa duha?

Tungod ba kay si JVR maoy mayor sa Talisay City, dili na lang dakpon bisa’g nakalapas sa lagda ang behikulo nga iyang gisakyan? Ang blocktimer, kinsa pinaminaw sa masa, nakasabot kaha sa iyang gihimo? Nakahibawo kaha siya nga ang tinuoray’ng balaud wala’y gipili? Ma-mayor ka man, o ma-presidente, kun ikaw nakasala, dakpon ka gayod ug silotan?

Pero, laina sab sa gibuhat sa blocktimer, uy! Nagpaklaro man siya nga DC siyang matanga sa pagka-suloguon sa media. Kana bang Defend Collect! Tiaw bay, imbes mangayo sila’g ‘sorry’  sa enforcer, nangasaba pa, kay lagi, mayor kuno si JVR. Busa, di angay’ng sitahon?

No wonder, nga si JVR ug ang iyang mga konsehal dili gyud magkasabot kun adunay dakong proyekto nga himuon ang mayor. Ngano? Tungod kay ang mga konsehal sa Talisay City dili man pareho sa utok sa blocktimer. Tarong og utok ang mga konsehal. Tul-id ug lig-on ang panglantaw. Dili sama sa blocktimer, nga ang kaisipan haguka ug sobra ka bawog-kinaiya nga iyaha sa kurap!

Gipawong ni Zaldy Caballes ang radyo sa iyang sakyanan, uy! Naglagot siyang naminaw sa sinultihan sa blocktimer. “Tin-aw man kaayong mi-atik ug mi-PR lang to JVR ang maong radio man, Boss Jav. Buwahan, makapangayo siya’g pabor in the future.” Ni Zaldy pa nga nakapanglingolingong misumbong niini kanako.

vuukle comment

BLOCKTIMER

BOSS JAV

DEFEND COLLECT

JVR

MAN

MAYOR JOHNNY V

NI ZALDY

TALISAY CITY

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with