Ukoy sad-an?
Naa sad diay daghang matuhutuhuon nga mga Malaysian. Pananglitan dihay usa ka taga-Sarawak nga mikatkat sa bukid sa Mt. Kinabalu aron magpatultol sa mga lumad nga bukidnon kun asa pangitaa ang ayroplano nga nawala sa Malaysia Airlines.
* * *
Suma sa balita gikan sa usa ka mantalaan sa Malaysia wa na mahibalik sa patag ang maong Malaysian kay nasaag ug wa na mahinumdom sa iyang giagian. Sa Indonesian Borneo na kuno kini hikit-ing patay na.
* * *
Naay mga Malaysian, suma pa sa usa ka mantalaan, nga nagtuo nga ang nawalang ayroplano gisuyop sa ilang gitawag nga Haring Hangin kinsa masuko kun hilabtan ang dapit nga gingharian niini.
* * *
Diha sad kunoy pundok sa mga “diwatanhong†bukidnon kinsa nanabwag og asin sa kahanginan tungod sa rason nga wala hibaw-i sa mga patagnon.
* * *
Ang medyo intelehenting mga tigpaniid nagtuo nga ang gihisgutang Malaysian Airlines plane giluwanan og mga terorista ug gipa-crash kini sa kadagatan sama sa ilang gihimo sa twin Trade Center Towers in New York.
* * *
Mituo sad diay sila og ukoy. Nakaagi kuno’g nag-alimpus nga whirlwind ang ayroplano ug nahagsa unya gibira og ukoy ngadto sa kinailadman nga bahin sa dagat.
* * *
Kining artikulo sinuwat ni Ban Anunias, taga Sta. Maria, Siquijor, ug gitampo sa atong lindog. Daghang salamat, Mr. Anunias.
- Latest
