Reklamong Roxanne di katoohan
Ang mga hunahuna nga gipadayag dinhi iya ra sa tagsulat ug walay labot ang Banat News ug mga sakop niini.
Matud ni Roxanne Cabanero hapit sab siya lugosa ni Vhong Navarro. Nahitabo ni niadtong 2010. Kuno! Iyang rason nganong karon lang siya mireklamo kay na-inspired lang siya sa gibuhat ni Denice Cornejo, kinsa mipasangil nga gisulayan po’g rape sa guwatsinanggong artista.
Nasayod ba kaha ni sila, no, unsa ning kasong rape? Rape gani, by force gyud ang entry ini. Against sa kabubut-on! Ang babayeng lugoson, makuha lang kun siya patay na. Kay ang babayeng ripon, magisigisi gyud ang sinina...masamad, o mabun-og gyud ang kalawasan. Ug dili gyud mobati’g lami. Kun dili, lunlon kasakit, kasilag ug kasuko mao ray mohari sa iyang galamhan. Nga sa ato pa, di gyud siya mahadlok motug-an dayon niini ngadto sa kapolisan aron kahataga’g igong hustisya ang pagkapusgay sa iyang bansagon. Ang babayeng tarong di malisang sa bahad. Mokaon siya’g kamatayon, malimpiyohan lang ang nahugawan niyang kadungganan.
Apan kining gibuhat ni Roxanne lahi. Ang pagpayil og kaso gikan sa hitabo may grace period baya. Gani ang nakapatay kun wala’y kiha human molapas ang gikatakdang oras nga siya temporaryong gipriso, buhian baya. Unsa na kaha ang kang Roxanne nga usa lang ka attempted rape, diin paglapas sa 4 ka tuig gikan sa mao niyang alegasyon, mao pay pagpayil og kaso? May rekord ba ang kapolisan nga niadtong 2010 kining iyang reklamo gipa-blottered? May ebidensiya ba siya? Ug witness sa maong akto? Or, karon lang siya mihayir?
Kay kun unsa baya ang nangagi dili na masusi’g balik sa kapolisan ang crime scene sa nahitaboan sanglit di na man nato matumban ang kagahapon. Di na gani nato mahikap ang mga tipaka niini. Nga sa ato pa, kining gibuhat ni Roxanne usa na lang ka tinagik nga sugilanon bunga sa nagsalimuang niyang imahinasyon. Busa dili angay’ng tuhoan. Di na gani angay’ng entertinon sa hukmanan. Kay gausik-usik lang sa panahon. Publisidad ra man ang giapas ini, ba!
Kaluoy uroy no, natong mga lalaki, nga puwede ra diay tumotumoa’g rape case story sa mga babaye, kang kansang reputasyon molutaw diha sa gipakitang panagway sa giumol nilang kinaiya?
- Latest
