Giluwas sa langaw

Usa ka German backpacker nadagsa kon na-stranded ug gika-report na nga nawala sa kalasangan sa Australia sud sa duha ka semana ug naluwas sa kapolisan adtong miaging Biyernes.

* * *

Si Daniel Dudzisz, 26, gika-report nga missing dihang misuroy sa kalasangan sa Queensland niadtong Pebrero. Tungod kay milaag siya nga binugtong, walay nakapahibawo sa kapolisan dihang nasaag siya ug wala na makatultol kong unsaon niya bagbalik sa iyang agi.

* * *

Nisamot ang problema ni Dudzisz dihang gibaha ang dapit diin siya nasaag. Giunsa niya pag-survive sud sa duha ka semana nga walay tubig ug pagkaon?

* * *

Nanakup kuno siya og mga langaw nga maoy iyang gikaon samtang nag-ubog siya sa tubig baha nga mao say iyang giinom. Matud sa mga rescuer ang mga langaw maoy misalbar sa German.

* * *

Human sa rescue operation gidala pagdali ang backpacker sa ospital tungod kay diabetic diay siya ug wala ka indeksyoni og insulin. Matud pa sa mga tigpaniid, ang nahitabo kang Daniel Dudzisz mihatag og leksyon ngadto sa mga adventurous travelers nga kuwang ra sa traveling skill.

* * *

SA LAING BAHIN ... Daghang salamat sa greetings ug get-well-soon card nila ni Laling & Joe Cuison ... Daghang salamat sad sa mga Banat News readers diha sa Pardo public market.