Ang interbyu

Adunay mga higayon nga ikaw nagdamgo nga ikaw gi-interbyu nga moresulta sa pagkadawat nimo sa trabaho o dili ba kaha ikaw nataktak sa trabaho. Timailhan kini nga ang nahimong unod sa imong hunahuna ug pagbati mao man ang tinguha nga ikaw magpabilin gyud untang seguro diha sa imong kinabuhi ma-ekonomikal man o ma emosyonal. Mahimo nga ang nag-interbyu kanimo nga estrikto kaayo ang ni-representar sa usa nimo ka maestro o ginikanan nga walay pagsalig sa imong kaugalingong katakus ug kapasidad. Mahimo usab nga ang maong nag-interbyu nga nihatag kanimo og pag-uyon mao kadtong mga tawo nga naghatag sa ilang pagsalig nganha kanimo.