Buhi pa diay!

Husto gyud ang pamilinbilin ni Noy Temiong nga inigkamatay na niya dili siya gustong ilubong dayon. Labaw nang dili siya buot nga awtopsihon.

* * *

Diay usa ka panghitabo diin milig-on sa pamilinbilin  ni Noy Temiong. Ang Reuters (diin na connected si Sir Jerry Tundag og dugay’ng panahon) mi-report nga didto sa Mississipi dunay patay’ng lawas nga gida sa funeral parlor aron embalsamahon.

* * *

Dihang gidiskarga na ang patay’ng lawas nga nasud sa body bag, kalit lang namatid kini kay gustong mogawas. Naniga mga mata sa misaksi. Naay nanagan kay nahadlok basin unsaon sila sa patay.

* * *

Buhi diay ang patay. Nagpa-interbiyu pa gani sa radyo. Gida siya sa ospital aron tambalan. Wala’y masayod hangtud kanus-a siya mopuyo sa ospital. “What matters right now is that he’s alive and kicking,” matud sa usa ka attendant sa ospital.

* * *

Busa medyo makatarunganon ang pamilinbilin ni Noy Temiong. Kun maupos na kuno ang iyang kandila, dili dayon siya ilubong, labi na nga di siya gustong embalsamahon.

* * *

SA LAING BAHIN... Daghang salamat sa atong mga readers diha sa Alumnos, Alaska, Mambaling...Hinaut magpadayon ang inyong suporta sa Banat News.

Kun magdamgo ka og usa ka bunyag

Tema nga Nalambigit: Bag-ong ideya

Kun ugaling ikaw nagdamgo og usa ka bunyag mahimo nga ang imong  subconscious ang nagpahinumdom kanimo sa usa ka ideya nga angayan nimong ipadayag o batbaton sa mga tawong buot nimong padaygan niini.

Nagsimbolo kini og bag-ong kinabuhi, bag-ong kasinatian, ug bag-ong paglaum nga mahimo nimong magamit ang imong pagkamamugnaon diha sa bisan unsang natad sa pagkinabuhi o propesyon