Mga piniriso

Daghang mga binilanggo nga bisan pa sa ilang situwasyon magpabadlong lang gihapon sa otoridad.

* * *

Pananglitan didto sa India dihay nahukman na nga prisuhon hangtud sa hangtud nga magsige og saba sud sa iyang selda tungod kay naay usa ka buok lamok nga gusto kunong mosud sa ilang dunggan.

* * *

Didto sa Norway usa ka mass killer nga binilanggo nagpunay og reklamo sa mga opisyal sa bilangguan nga bati ang video games sa iyang selda, busa pailisdan. Bati sad kuno ang sofa, so pailisan sad. Kun dili kuno matuman ang iyang gusto mo-hunger strike siya.

* * *

Usa ka rapist didto sa Thailand nga nasentensyahan og  life, nagsige og saba samtang nag-masturbate sud sa iyang selda. Matud sa guwardya, gisabligan na kini’g tubig samtang nag-masturbate apan nagpadayon gihapon.

* * *

Matud pa ni Pastor Reynald Dang, usa ka Protestanteng religious helper sa mga piniriso didto sa Australia kining maong mga binilanggo nagkinahanglan og counseling apan kasagaran sa mga prisohan nga iyang naserbisyohan wala’y counseling service ug misalig lang sa mga religious do-gooder nga mobisita panagsa sa mga prisohan.

* * *

SA LAING BAHIN ... Dinhi sa ato dunay mga pundok relihiyoso nga moatiman sa spiritual needs sa mga piniriso. Kasagaran mupahigayon og Bible studies... Daghang salamat sa mga Banat News readers diha sa pantalan diin sila naghuwat sa barko nga ilang sakyan.