EDITORYAL - Muslim sa Mindanao mUhilom na kaha?

Nagkalainlaing  grupo  ang  mga  Muslim  sa Mindanao   kinsa pulos  hawod  ug  di  magpalupig  sa  usa  ug  usa.

Mahilom  lang  ang  maong  mga molupyo  kun  adto  sila  mopuyo  sa lugar  nga mas  dyutay  sila  itandi  sa  gitawag  og  mga Kristiyano.

Apan samtang  tua  sila sa Mindanao  kansang  puwersa  ikasarang   sa pakiggubat batok  sa  mga sundawo  sa kagamhanan,   lisud  kaayong  pakalmahon  ang  dugo  nila  nga naglatay  sa  ilang  kaugatan.

Ang MILF  ug ang  kagamhanan  nagkasabot na  nga  di na  magpinusilay.

May sabot  na  sila  nga  huboon  na  sa MILF  ang  ilang  mga  armas  ug  may  mga  kondisyones  pa  silang  tumanon alang  sa panag-uli  sa maayong  relasyon  sa  kagamhanan,

Apan  ang  MNLF gibati  og  pangabubho  niini,  ug  may lain pang grupo  sa  mga rebelding Muslim  nga  wa duola  sa kagamhanan.

Padayon  pa  kining  nakiggubat  karon  sa  mga  sundawo  sa kagamhanan  ug  gituohan  nga lain  na  usab  kining  labad  sa ulo  sa  gobiyerno.

Ang  mga kidnapper  nga   grupo sa  mga  Muslim,  ang  mga   sakop  sa Abu Sayaff,  ang  mga  sakop    sa Al Qaeda Network, ug sa laktud  pila  ka faction  o grupo  ang  mga  Muslim  sa Mindanao  nga  nagmugna  og  kaguliyang  sa  maong  lugar.

Nagkalainlain ang pundok  sa  mga rebelding  Muslim, apan MILF  ra  ang  giamigo sa gobiyerno,  linaw  na kaha?