Kasinatian sa pag-ampo: Panalangin sa matag okasyon

Ginaingon pa nga gumikan lagi sa kabag-ohan atong nahikalimtan ang mga kamahinungdanon sa ritwal. Atong gihatagan og bug-at nga pagtagad ang rason kaysa ritwal. Kinahanglan nga balansehon kini ang rason ug ang ritwal. Ang ritwal kinahanglanon kaayo aron ang tawo mamahimong malambigit sa bisan unsang espirituhanon. Kini ang hinungdan kun nganong ang tawo bisan pa man kun usahay ang wala makasabot ang bation gyud og kalipay ug adunay giingon pa ni Bishop Buzon ang makahupot og WQ kon Wonder Quotient. Ingon ini usab ang mahitungod sa panalangin. Ang matag panalangin kinahanglan nga ipaagi sa usa ka ritwal mayano man o elaborate. Dako kini og kahimoan aron ang tawo ang mas makasabot ug mas mahigugma pa sa iyang gipanghimo. Sama pananglit kun dunay magsaulog sa iyang adlaw nga natawhan mahimong gamiton sa simbahan ang espesyal nga pag-ampo alang kanila nga nagsaulog sa ilang adlaw nga natawhan. Kini mahimo nga pagaisipon natong therapeutic sanglit makadugang kini sa pagpalig-on sa positive self-worth sa hingtungdan. Dugang pa, ang si bisan kinsa nga nakasinati sa ingon ang makakita sa iyang bili sa matag higayon nga madawat niya ang panalangin gikan ni bisan kinsa nga giisip niyang may gahum kaniya. Sama pananglit sa usa ka ginikanan ngadto sa iyang mga anak. Buhata kining mosunod:

1. Si bisan kinsa nga tawo ang imong mahimamat karong adlawa ibungat ang mga pulong positibo ngadto kaniya.

2.  Himoang balansayon sa banay nga sa dili pa matulog o dili pa molakaw ang mga bata padulong sa mga tunghaan itapion sa  amahan o inahan ang iyang tuong kamot sa ulo sa iyang mga anak. Ritwal kini sa panalangin.

3. Ibungat ang mga pag-ampo sa panalangin alang sa tanan nga nahimong kabahin sa imong kinabuhi.