EDITORYAL - Padayon ang imbestigasyon sa pork barrel scam

Imbestigahunon  na usab  si  kanhi  senador  Ramon  Revilla Sr.  ang  amahan  ni  Senador Bong Revilla  sa kaso  nga  may labot  sa P10 billion  pork  barrel fund scam.

Wa  usab  hisayri  kun  unsaon  na  usab  pagpanghimakak  sa maong  senador  ang  mga  pasangil  batok  kaniya.

Daan  na  nga  gipahayag  ni  Senador  Bong  nga unta  kadtong  mamakak  kilatan  o mamatay  sa kilat.

Kini  tungod  kay  giingon  niya nga  usa ka  pagpamakak  ang  gihimo  sa  whistleblower  sa pagguba  sa iyang  ngalan  dihang  gipasanginlan  siya nga mibulsa  og  kapin  sa P200 milyones  sa  iyang  PDAF.

Sa bahin  ni  senador  Ramon  Revilla  Sr.,   gisuta  pa  kun  pila  ka  milyon  ka  pesos  ang  nabulsa  niini. Apan  masayran  kini  sa imbistigasyon  nga  himuon  sa NBI.

Sa  panahon  ni  anhing  Pres. Marcos,  siya  maoy  labing  giila  nga  banggiitang  kawatan  sa nasud.

Sa panahon  ni anhing  Pres. Corazon Aquino,  nahilom  ang  maong isyu  ug  wa’y  mga  opisyal  nga naakusahang  miabuso  sa kuwarta  nga  iya sa katawhan.

Bisan  sa panahon  ni kanhi Pres. Ramos,  hilom  kaayo  ang  tanan  ug  way  mga  dagkong  isyu  bahin  sa pangawat.

Sa panahon  ni  kanhi  Pres. Joseph Estrada   gipriso  siya  kay giingong  wa kapasabot  diin  siya  og  daghang  kuwarta.

Samtang  si kanhi Pres. Arroyo    nagpabilin  pa  nga  nagsilbi  sa hospital  arrest ug  ang  mga  magbabalaod  nga  nalambigit  sa pork barrel scam pulos nagserbisyo  sukad sa iyang  panahon, apan  ambot may mapaslak  ba  sa prisohan.