Mr. Barangay

BRGY BULAK, MATAG-OB, LEYTE

“Mangutana lang unta mi Sir kun i-rafle pa ba gyud ang pagpanghatag og mga sin ngadto sa mga biktima sa bagyong Yolanda diri sa among lugar kay daghan kaayo’g mga nagub-an og balay diri nga wala kabunot.”

BRGY LUTAC, NAGA CITY

“Naunsa man ning mga polis ug mga opisyales diri sa among barangay nga wala man gyud kabadlong sa mga nagsugal atbang lang sa barangay hall, dugay nami sige’g reklamo ani pero way aksyon.”

BRGY BASAK, MANDAUE CITY

“Naay mga polis diri sa station sa Basak nagpataka man og kuha og mga manok dihang ilang gidakop ang tigbakay diri gihapitan nila’g kuha ang gilansad nako nga manok wa gyud mauwaw.”

BRGY PILIPOG, CORDOVA, CEBU

“Sa tanang lugar diri sa among lungsod kining among barangay ang kinahugawan kay mga opisyales wa matuman ang pag- implementar sa balaud.”

BRGY MARIGONDON, LAPU-LAPU CITY

“Ang reklamo lang namo Sir kining dalan padung sa beach dili pa kaabot sa kalubihan kay lawum kaayo kun mag-uwan dako kaayo ang tubig lisod kaagian sa mga motorsiklo kay mapagngan man sa makina.”

BRGY CAMBARO, MANDAUE CITY

“Naunsa na man ning mga drug pusher diri sir Jun ari na man magpundok ug maghantak sa dalan eskina San Lorenzo wala man gyod panumbalinga sa mga opisyal sa barangay.”

BRGY KALUNASAN, CEBU CITY

“Sir Jun wala’y lipodlipod ang mga batan-on nga mosuyop og marijuana diri sa bag-ong nahuman nga riprap sa sitio Kalubihan halos kada adlaw ni nila buhaton bisa’g daghang mangaging mga tawo.”

BRGY APAS, CEBU CITY

“Kaming taga sitio Upper Panabang Sir kay naproblema ning among karsada nga gamay og agianan kay ang ubang mga motor dili man itarong og parking hinaut nga mabadlong kini sa mga opisyal namo sa barangay.”

BRGY MAMBALING, CEBU CITY

“Sir Jun grabe na kaayo ang stagnant water diri sa among lugar sa sitio Mangga upat na ni ka tuig nga problema tungod kay way klarong drainage system usahay gani kun mag-uwan daghang manggawas nga mga bitin.”

BRGY MOHON, TALISAY CITY

“Nag-antos mi diri sa Upper Mohon sa karsada kay libaongon kaayo daghang dagkong mga bangag delikado kaayo sa mga motorista duol ra man unta sa city hall pero wala gyod maatiman.”

BRGY TAYUD, LILOAN, CEBU

“Sir kanus-a man dakpon ning namaligya’g shabu diri sa Simborio Purok Mahogany kay ladlad na man kaayo pero wala gyod pakabana mga polis maayo tingaling ang PDEA maoy molihok ani Sir.”

Alang sa inyong mga reklamo text lang sa 09071678643 / 09163869202