Suliran di masulbad kun pun-a’g lain

“Nasurprisa siya kay gitaktak sa banko. Ug wa pa gyod i-release iyang kataposang suweldo sa ilang security agency. Unsaon man niya pagpangaplay’g trabaho kun wa siya’y kuwarta? Nablangko iyang hunahuna. Ug sa pagkawala niya sa iyang kaugalingon ... napatay niya’g apil ang Accounting Clerk Jenelyn Megabon, kinsa giisip niyang igsuon, didto sa banko nga iyang gitulis ug gimasaker.’ Mao kini ang rason sa guwardiyang Berly Tudtud, kinsa way kukaluoy’ng miburak sa iyang kaubang sikyu ug sa kalib-in niini ginamit ang service shot gun sulod mismo sa ilang trabahoan, diin hastang inosenteng Jenelyn napagan.

Nakaamgo si Tudtud ning maong dakong sayop nga iyang nahimo dihang giposasan siya sa mga polis. Nangayo siya’g pasaylo ngadto sa pamilyang mga Megabon timaan nga nagmahay siya sa hitabo, diin gilupig ang iyang kahuyang sa mando ni Satanas. Ang nakasakit lang, kay dili na mahibalik ang buotang kinabuhi, kinsa maoy bugtong gisaligan sa tibuok niining pamilya. Magbasol man si Tudtud. Ulahi na ang tanan. Bayran gyod niya ang kinabuhi nga iyang giutang dinhi sa yuta.

May mensahe kining nahitabo ni Tudtud. Dinhi gipakita nga ang bug-at suliran dili masulbad pinaagi sa pagmugna’g laing problema. Timan-i, nga Gid is a good provider. Tabangan ta Niya’g sulbad sa atong suliran kun modangop ta Kaniya. Tultolan ta Niya sa hustong dalan asa hipalgi ang tubag sa atong problema. Kana, kun molihok sab ta pagpangita sa maong butang nga atong gipangayo. Di ba, miingon man Siya nga: “Lihok tawo, kay tabangan tika.”? Unya, mipuno pa gyod Siya: “Kun ang krus nga inyong gipas-an bug-at, dali ... duol mo Nako. Kay papahulayon ta mo! Ang akong krus gaan. Ug madaog ra ninyo kini sa pagpas-an!”

Nga sa ato pa, kun kita dunay dakong suliran, ang Ginoo gyod maoy atong duolon. Ug dili ang yawa.