EDITORYAL - Ang kalipay sa unang adlaw sa bag-ong tuig

Ang unang  adlaw  sa bag-ong tuig, maoy adlaw  sa di pinugngan  nga  kalipay halos  sa tanan.

Kini tungod  kay  isip  pagpasalamat  nga  nakalatas  kita  sa  usa  ka tuig ,  luyo  sa kadaghang  mga  kasakit  ug  kasub-anan, may  kinabuhi  pa  kita.

Niining  bag-ong  tuig wala  kita  masayud  kun  makaabot  ba  kaha  kita  sa katapusan  na  usab  nga  adlaw  ning  tuiga o niining petsaha nga unang  adlaw  sa bag-ong tuig.

Tungod  kay  ang  atong  kinabuhi , sumala sa Biblia sama  ra  sa inalisngaw  nga  sa makadiyut makita  ug  sa  ulahi  mahanaw lamang.

Ang kamatayon  way  gipili, datu ka man  o  kabus, kusgan ka man o  luya , bata  ka  man  o tiguwang, lalaki ka man  o babaye  ang  tanan padung  gyud  sa kamatayon.

Hinuon  ang  wa hisayri  sa tanan  kun  kanus-a  kutob  ang  tagal  sa atong  kinabuhi  kay  ang Dios lang  nga  maoy  naghatag  niini    ang  may kasayuran  niining tanan.

Mao man  gani  nga sa langit sumala sa Biblia, may padulngan  na  nga  lugar  ang mga  espiritu  sa  mamatay, diin  kun  anak ka sa Dios, aw adto ka  sa dapit  sa Iyang  tuo,  ug  kun  di  ka  anak  sa Dios, aw adto ka sa Iyang  wala.

Inigkatapos  sa kalibotan sayon  na lang  sa Dios  ang  pagtudlo, sa maluwas  kay  anaa  man sa Iyang  tuo, samtang  ang  di  maluwas mao  kadtong  anaa  sa iyang  wala.