Kasinatian sa pag-ampo: Ang implikasyon ni Janus sa atong kinabuhi

Sa mitolohiya,si Janus mao ang dios nga dunay duha ka mga nawong. Ang nawong nag-atubang sa luyo ug ang usa nag-atubang sa unahan. Sa iyang ngalan nagasukad ang pulong January kon Enero ang unang bulan sa atong kalendaryo. Sa laing bahin mahimong magamit kining maong paghulagway diha sa atong pag-ampo alang sa kaayohan agi’g pagtak-op sa tuig 2013. Atong himoon kining mosunod:

1. Pagkuha og usa ka long bond paper. Bahina kini sa duha kon two columns.

2. Sa wala isulat ang mga taras nga dili maayo ug sa tuo ang mga maayong taras nga imong nahimo sulod ning tuiga.

3. Pamalandongi ang hinungdan kun nganong imong nahimo ang maong mga buhat nga dili maayo ingon man ang epekto niini sa mga tawo nga nalambigit sa imong kinabuhi.

4. Pasalamati ang Ginoo sa mga buhat nga maayo nga imong nahimo. Pasalamati Siya sa inspirasyon nga nagtukmod kanimo sa paghimo sa ingon.

5.Taposa kini sa pag-ampo sa AMAHAN NAMO.

Malipayong Pasko ug Bulahang Bag-ong Tuig!