Uban ang dakong kalipay

DISYEMBRE 15, 2013: Ikatulong Domingo sa Adbiyento

Mga Pagbasa: 1s.35;1-6a-10/Sal. 146/San. 5;7-10/Mt. 11;2-11

Imbis nga mohatag og direktang tubag si Jesus sa mga pangutana ni Juan Magbubunyag kun siya ba ang Mesiyas, si Jesus ang wala mohatag og direktang tubag, hinunoa, iyang gihimo ang paghatag og mga paghulagway sa dakong panahon diin naghari na ang Dios. Diin nakasentro kini sa kalingkawasan sa bisan unsang matang sa kaulipnan. Apil na niini ang mga balatian ingon man ang pagpanghasi sa mga dautang puwersa sa kangitngit. Ning ikatulong Domingo sa Adbiyento panahon sa pagpalig-on sa atong paglaum uban ang malipayong diwa sa pagdawat sa nagsingabot nga Mesiyas. Mao nga mahinungdanon kaayo nga atong himuon kining mosunod:

1. Pagdala og maayong balita ingon man kalipay ngadto sa mga nagkinahanglan. Dili lang sa mga materyal nga gasa kun dili sa gasa sa panahon.

2. Pagpaminaw sa matag sugilanon nga atong mahimamat matag adlaw ginamit ang dalunggan ug kasingkasing.

Lisud ang panahon karon apan wala kini magpasabot nga kay lisud man, dili na lang kita magsaulog sa kinabuhi.