Makauuwaw nga buhat

Angay gayud nga imbestigahon sa Department of Social Welfare and Development (DSWD) ang gibalita didto sa Hong Hong nga dunay mga food donation gikan sa United Kingdom (UK) nga gipamaligya sa supermarket didto sa Metro Manila.

* * *

Ang mihimo sa awhag mao ang nag-unang Tinagalog nga tabloid sa Manila nga mao ang Pilipino Star NGAYON. Igsuong mantalaan kini sa Banat News ug The Freeman ubos sa Phil STAR Group of Publications.

* * *

Matud sa PSN sa editoryal niini niadtong Dis. 11, 2013, gibalita sa Daily Mail, usa ka diyaryo sa UK nga ang mga donasyon nga pagkaon gikan sa UK gipamaligya sa pipila ka mga tindahan sa Metro Manila.

* * *

Ug suma pa sa Daily Mail, ang nagpaluyo niining sayop nga buhat mao ang mga “corrupt local officials.” Busa matud pa sa PSN kinahanglan molihok dayon ang DSWD sa pagsusi niining makauuwaw nga nahitabo sa mga donasyon gikan sa UK alang sa mga biktima ni super typhoon Yolanda didto sa Leyte.

* * *

Ang nakadugang sa kaparat niining pagpangurakot mao nga ang UK ug Hong Kong suod kaayong mga nasud. Ug hangtud ning panahona mangil-ad pa gihapon ang pagtan-aw sa mga taga-HK sa mga Pilipino.

* * *

SA LAING BAHIN ... Maayong adlaw sa atong mga higalang evacuee gikan sa Tacloban ug ubang dapit sa Leyte ug Samar...Salamat sa mga security guards kinsa sayo pa sa buntag nagsipit-sipit na og Banat News. Hinaut magpadayon ang inyong suporta sa Banat News.