EDITORYAL - Misuari ug Leviste gawasnon, ngano?

Ang  mga inilang  tawo  sa nasud  kun  mapriso  sayon  ra kaayong  makagawas  lahi  sa  mga  kabus  nga  binilanggo.

Apan  di  lang  kutob  sa maong isyu  bahin  sa  sayon  nilang   kagawasan, kundi, nganong  gipagawas  sila?

Si kanhi  gobernador Antonio Leviste  ug  ang lider  sa  Moro  National Liberation Front (MNLF) pulos na  gawasnon  karon.

Si Leviste  gihatagan  og  parole, samtang  si  Misuari milighot  ngadto  sa Malaysia  human  ipaataki  sa iyang  mga  sundawo  ang  Zamboanga.

Karon  lanog kaayo  ang  mga  balita  nga  tua  siya  sa Geneva  kay mitambong  sa Organization of Islamic Conference (OIC).

Nagkahulogan  ba  kini  nga  tungod  sa ilang pagka-inila  sa nasud, ‘untouchable’ na  sila?

Kinsa  kaha  ang  mga  opisyal  nga  piniyalan  sa  pamuno  nasud  nga  mipalighot  sa maong  mga  tawo  nga  giisip  nga  mga   kriminal.

Apan  nganong  ingon  niini  kasayon  lighotan  si Pres. Aquino  sa  iyang  mga  piyado sa  nagkalainlaing  ahensya  sa kagamhanan.

Gawas  niining  duha si kinsa  pa  kaha  ang  mga  kuwestionabli  nga  wa  madiskubrehi  sa  presidente  sa nasud nga  gituyo  sa pagpalighot  sa iyang  mga  sinaligan.

Busa  unsa  may  desisyon  sa presidente   sa  mga tawong  responsabli  sa kagawasan  sa maong  mga  kriminal?