EDITORYAL - Unfair ang lakang sa ubang senador

Nasugamak  sa  komentaryo  ni Senador  Miriam Santiago ang  pipila ka  mga  senador kinsa mihana  og  sugyot  nga  laksion  sa record  sa  senado  ang  iyang  privilege speech batok  ni Senador Juan  Ponce Enrile.

Nakaingon  si  Santiago  nga  di  maayo  o ‘unfair’ alang kaniya  ang  desisyon  sa kauban  niyang  mga  senador tungod  kay  wa  nila  kini  buhata  human  latiguha  ni  Enrile  sa iyang  privilege  speech  si Santiago.

Di usab  tinuod  nga  maayo  ang  gibuhat  sa ubang  mga  senador kinsa  nasakitan  sa mga  bunal- pagsaway  ug  pamasangil  ni Santiago  batok  ni Enrile  sa privilege  speech  niini.

Ang maong  hinagitay  sa  duha  ka banggiitang  senador malagmit  mosangpot  sa dakong  imbistigasyon  kun  ang departamento  sa hustisya  modayon  sa  lakang  niini.

Kini  tungod  sa kabug-at  sa  mga  pasangil  ni  Santiago  bahin  sa  mga  krimin  nga  giingon niyang  nahimo  ni Enrile batok  sa kagamhanan  ug  sa katawhang  Filipino.

Pero  maayo bayang  sutaon  sa  DOJ  kun  unsa  ka tinuod  ang  maong  mga  pasangil , aron  mahuwasan  ang  mga  Filipino  gikan  sa mga giingong  krimin  nga  nabuhat  ni  Enrile

May  mga  sugyot  nga  ulion  ang  duha  pinaagi  ni  kanhi  president  ug  karon mayor  sa Manila Joseph Estrada.

Hinuon mag-agad  kini  sa maayong  hunahuna sa  maong  mga  senador kun  matulon  ba  nila  ug  hikalimtan  ang  mga  pasangil sa usa ug  usa  kanila .