Ping Lacson

As expected, nagkadaiya ang mga komentaryo ug opinyon bahin sa pagkatudlo ni kanhi Senador Ping Lacson pagka-Rehab Czar. Normal kini sa usa ka nasud nga demokratikanhon. Sa bisan unsa nga isyu dinhi sa atong nasud, imposible kaayo nga makasabut ang Pinoy.

Hinuon, sa survey nga gihimo sa Internet, sa atong pagsulat niini, 57 porsiyento ang miuyon sa pagkatudlo ni Lacson. Sa ato pa, mas daghan ang nalipay. Ug tungod kay there are always two sides of a coin, ubay-ubay usab ang supak, labi na sa mga kaaway ug kaatbang ni Noynoy. Normal kini.

Apan, pinasikad sa record ni Lacson, mas daghan ang mituo nga adunay igong katakus ug kakayahan si Lacson pag-atubang sa dakung tahas pag-rehabilitate ug pagpabangon sa nagusbat nga mga dapit dinhi sa Kabisay-an gumikan sa kapintas ni Yolanda.

Giingon dinhi nga kun kinsa man ang itudlo nga Reconstruction Head, kinahanglan magbaton siya’g hiyas pagka-competent, strict, ug honest. Mo-qualify ba si Lacson niini? Maka-handle ba siya competently, strictly ug honestly sa P41 billion nga gigahin alang sa pagpabangon sa maayong pagkahapay nga mga dapit nga gikusokuso ni Yolanda?   

Atong kutluon kining gikan sa Internet (nalipat ko kinsay nagsuwat ini): “Lacson has never been involved in any corruption case or anomalies involving misuse of money. He in fact, got into trouble with Gloria Arroyo and her husband, Mike, for his exposes on their corrupt activities. Lacson is synonymous to discipline due to his military training and experience as police officer.”

Unya, ang mga kaso sa Kuratong Baleleng ug pagpatay ni Bubby Dacer ug iyang driver … unsa man? Atong padayunon pagkutlo: “His detractors complain about his human rights record having been accused of having a hand in the killing of the Kuratong Baleleng Gang, an organized crime syndicate involved in bank roberries, kidnapping and illicit drugs.

“He was also implicated in the murder of publicisit Bubby Dacer and his driver Emmanuel Corbito. Charges against him in both cases were dismissed.”

Dugang niini, si Lacson wala malambigit sa pork barrel scam. Unsaon, waa man siya modawat sa pork barrel, sulod sa siyam ka tuig niyang pagka-Senador, kauban ni Joker Arroyo. Akong hinumdoman nga si Butch Aquino, sa iyang pagka-Senador, wala usab modawat sa pork barrel.

Gipanghinaut nga niining bag-ong tahas ni Lacson, dili unta kasambugan sa politika, kay tingali unya’g molampus siya, mahigwaos ug ma-uncomfortable sila si Binay, Escudero, Cayetano, Revilla, Marcos, Jinggoy, ug si kinsa pa na diha nga ang 2016 na ang gilantaw.

Gumikan sa politika, daghan ang maningkamot nga mapakyas si Lacson. Bisan gani sa iyang mga kaalalay sa politika.

Imagine, kun magmalampuson si Lacson … daghang mga ambisyon sa 2016 ang mahugno. Busa, maoy atong panghinaut nga ipadaplin lang una nato ang politika. Pagkadaku sa atong gimbuhaton. Kinahanglan dili kita mapakyas niini. Mag-usa lang una kita karon … unya na ta mag-away!

Sa mga istambay pa:  Let’s to wait and see. But let us to pray!