Saba, Rios oi

Atol sa press conference human sa iyang pakigbugno sa ring batok ni Manny Pacquiao, si Brandon Rios misulti nga wa siya mabun-og ni Manny.

“Manny Pacquiao did not hurt me,” matud ni Rios.

* * *

Dili kinahanglan lalison si Rios. Siya ra mao’y nasayud kun nabun-og ba siya o wa ni Manny. Siya ra man ni-feel sa sakit.

* * *

Apan tanang inilang sportswriters nga nakakita sa away didto sa Macau mikatawa lang sa medyo pasiatab ni Rios. Duha kanila mao si Chino Trinidad ug Quinito Henson.

Matud ni Chino ay’g ingna nga wa makabati’g sakit si Rios gikan sa nagkadugo niyang nawong diin milandig ang 281 ka sumbag ni Manny.

* * *

Si Quinito Henson sa iyang bahin miingon human sa away ang nawong ni Rios nahimong makuyaw tan-awon nga maskara (“grotesque mask”). Ang iyang mata sa may kalimutaw niburot diin nakapausab kini sa porma sa iyang nawong. Duna’y samad (“cuts”) sa may mga kilid sa duha niya ka mata.

* * *

Syaro sad nga wa makabati’g kasakit si Rios gikan sa mga samad sa iyang nawong.

Kun tinuod nga wa siya ma-“hurt” ni Pacquiao, unsa man diay tong nidawat sa 281 ka punches ni Manny, mannequin?

* * *

SA LAING BAHIN ... Ang libuan ka mga bakwit ug katong wa mamakwit nga biktima sa super typhoon nga si Yolanda nalimot og makadiyot sa ilang problema atol sa boxing ni Pacman ... Daghang salamat sa mga Banat News readers diha sa Carbon, Tabuan ug T. Padilla public markets sa inyong nagpadayong suporta.