Rason sa rapist
Unsay hustong buhaton sa usa ka babaye kun lugoson sa usa ka lalaki?
Mao ning gilalisan didto sa New Zealand dihang usa ka bouncer sa night club gikiha ug nakonbikto sa kasong rape.
* * *
Ang abogado sa gikiha miinsister nga nahimo ang rape tungod kay wa kipi-kipia sa biktima ang iyang legs kon paa dihang ripon na siya. Kay wa man kini buhata sa biktima ang akusado mirason nga ganahan ang babaye nga siya lugoson.
* * *
Nakapasuko kini sa mga kababayen-an sa New Zealand. Matud pa ni Natalie Gousmett sa Wellington Rape Crisis Center “horrific†ang maong depensa. Misuway kuno kini sa pagbalhin sa krimen gikan sa kriminal ngadto sa biktima.
* * *
Ang abogado sa rapist miuyon sa hunahuna nga miataki sa iyang gisulti apan matud niya iya kadtong gihimo isip kabahin sa iyang pagdepensa sa iyang kliyente.
“It did not reflect my personal views,†suma pa sa abogado.
* * *
Usa ka police officer sa Australia miingon nga angay gyud nga kipi-kipion sa babaye ang iyang legs ug mosinggit og kusog kun naay lalaki nga molugos kaniya.
Suma pa ining polis, ang usa ka pagtuon kalabot sa rape cases, miingon nga kadaghanan sa mga kaso pagpanglugos napakgang ang lugos tungod kay misinggit ang biktima.
* * *
SA LAING BAHIN...Usa ka women’s group didto sa Metro Manila mipadag suwat sa presidente diin mihangyo sila nga ibalik ang death sentence tungod kay nisaka na sad ang rape crimes sa nasud...Kumosta diha sa atong mga readers sa Ormoc City. Hinaut unta nga makabangon ang Ormoc gikan sa kastigo sa bagyo bisan sa hinayhinay lang .
- Latest
