Ang isyu kalabot sa masturbation (Ikaduhang bahin)

Kun ang usa ka bata hangtud na sa iyang pagdako ang padayon gihapong mihimo ning matanga sa buhat, timailhan kini nga sinugdanan pa lamang dunay sipyat o kakulangan ang iyang pagsabot sa kahimtang sekswal. 

Ang masturbation ang nihimo sa kaugalingon ingon nga sukaranan sa sekswal nga katagbawan. Timailhan usab kini nga malisud alang sa usa ka batan-on nga makigrelasyon sa isigkaingon ug makontento lamang sa unhealthy solitary confinement.

Ang gitan-aw lamang mao ang kaugalingon. Kun ugaling ang maong batan-on maminyo o dili ba makabaton og usa ka sexual partner sa umaabot, mahimong ang maong partner ang pagaisipon lamang niya nga kahimanan sa iyang kinaugalingon ug hinakog nga katagbawan.

Mao nga ang matag ginikanan ang mogahin unta sa mga kahigayonan diin ang iyang kabataan ang makasinati og usa ka healthy opportunities nga maka-explore uban sa laing mga kabataan diha sa pakigdula nga makatabang sa ilang relational skills.  Ang over-protectiveness nga moresulta sa isolation sa bata gikan sa uban ang posibling maghimo sa bata nga mabilanggo sa sayop nga pagtuo nga ang sekswal nga katagbawan mahitabo lamang sa kinaugalingong paghinol.