Tungod sa pagduaw

Duha ka mga matang sa tawo ang atong nakita karon sa ebanghelyo. Si Jesus nga simbolo sa moralidad ug si Sakeyo nga bisan pa man kun dato ang nahiagom sa pagyamiid sa katilingban. Sa bugtong rason, nga siya kobrador sa buhis ug giisip nga makasasala. Wala makapunting si Jesus sa pagka-kobrador ni Sakeyo. Nakapunting siya sa pagkatawo ni Sakeyo.

Ang maong pagduaw nakahatag kang Sakeyo og kalipay nga tungod niini siya midapit sa Ginoo alang sa usa ka panaghiusa diha sa talad kan-anan. Ang maong buhat nagpakita kun unsa diay kamadagayaon ang gugma sa Dios diha sa atong kinabuhi. Dili siya buot sa kamatayon sa usa ka tawong makasasala. Mahimong gidumtan niya ang sala apan dako ang iyang paghigugma sa nagpakasala. Dili pa ulahi ang tanan. Padayong moduaw kanato ang Dios ug sama ni Sakeyo ato pud unta siyang pasudlon diha sa tagsa-tagsa nato ka mga kinabuhi.

Nga sa ato pa, dili halayo alang kanato ang pagbag-o. Si Maya Angelou nipahinumdom kanato:

“It  is wise to take the time to develop one’s own way of being, increasing those things one does well and eliminating the elements in one’s character which can hinder and diminish the good personality.”