Duna nay opisina ang Seniors Coop

Nalipay kita nga at long last, ang kooperatiba sa mga senior citizen ning dakbayan, duna na gayu’y opisina, anaa kini mahimutang sa merkado sa Ramos (kanhi F. Ramos supermarket), convenient kaayo alang sa tanan, bag-o lang giinagurahan.

Tapus sa Santos nga Misa, misunod ang ribbon cutting, blessing, dayon ang Opening Remarks ni Dr. Nick Maglasang ug mga mensahe nila ni Joe Gapas, Lando Llaguno, ug Dodong Casinillo. MC - Nick Ampatin.

Gawas sa mga opisyales sa coop, nanambong usab majority sa mga chapter presidents ug mga sakop sa Senior Citizens Council. Diha usab si Konsehal Margot Osmeña. Si Gloria Villaflor sa Credit Committee gi-designate nga kasamtangang General Manager.

Matud ni Lita Lumibaw, kauban ni Villaflor nga mo-report matag adlaw sa opisina sila si   Betty Diocampo ug Purita Matugas, mga sakop sa Credit Committee.

Ang mga opisyales: Jose Gapas, chairman; Flor Pesquera, Co-chairman; Teresita Delfin, Secretary; Lita Lumibaw, Treasurer; Nick Ampatin, Auditor.

Board of Trustees:  Engr. Felix Abella, Dr. Nick Maglasang, Mary Aleonar, Guillermo Casinillo, Trify Palmares. Adviser: OSCA Head Rolando Llaguno.

Committees: Audit: Chit Lugo, Nick Ampatin, Doming Nacua; Election: Vita Padilla, Serge Cantones, Fanny Velez; Education: Flor Pesquera, Dodo Delmo, A.M. de la Serna; Ethics: Linda Casinillo, Dulce Salazar, Esper Dioko; Mediation & Conciliation: Rey Mojica, Toto Panilong, Cecille Olita.

Miawhag si Lumibaw niadtong nakautang (lakip na ming duha ni Nick) pagbayad na sa ilang mga utang. Angay hinumdoman nga usa sa nakapahugno sa daghang kooperatiba mao ang dili pagbayad sa utang.

Ang kasaysayan sa cooperativism nag-asoy nga gumikan sa kawad-on, ang mga gagmay’ng pundok sa katawhan nga naapikihan gumikan sa tumang kalisud, napugos paghugpong sa ilang mga tinguha ug resources, nagkahiusa ug nagtinabangay. Dinhi magsugod ang kooperatiba, particularly sa England, Britain, Scotland, ug sa Germany. Kini sa 18th century, diin buhi pa hangtud karon ang pipila sa ilang natukod, sama sa Rochdale Equitable Pioneers Society.

Sa atong nasud, si Dr. Jose Rizal, sa iyang pagka-exile didto sa Dapitan, mitukod sa unang kooperatiba sa nasud. Kini sa tuig 1896.

Gawas sa dili pagbayad sa mga utang, laing problema nga ato untang likayan, mao ang 1) Lack of education.  2) Improper use of credit by borrowers. 3) Defective security given for loans obtained. Gawas sa mga ginagmay’ng loan, sama sa character loan, kinahanglan duna gyuy collateral. 4) Political interference, particularly in the collection of overdue accounts. 5) Inability to establish adequate marketing facilities. 6) Ineffectiveness or inadequate supervision of the government agency entrusted with the development and promotion of cooperative organizations. (Source: Book on “Cooperatives,” sinulat nila ni Gil Y. Garcia ug Marie Anne Guanzon, gi-publish sa University of Santo Tomas Publishing House).