Panagharong

Ang ubang mga ginikanan ang maglisud sa pag-normalize sa situwasyon sa ilang mga anak nga nagkabangi kay bisan unsaon nila og hudlat, singka, silot ug uban pa daw sa wala’y epekto ang tanan.

Usa sa mga konkretong sugyot ni Nancy Van Pelt mao ang panagharong sa duruha diin ang ginikanan ang magsilbing tigpaliwala sa maong panagharong. Pasagdan sila nga magsininggitay hangtud nga sila mahuwasan sa ilang tag-satagsa ka mga kasuko.

Hinuon, bantayan lang gyud nga dili mahimong pisikal ang maong panagharong aron wala’y masakitan. Human sa maong panagharong palingkuron ang imong mga anak ug imo silang maymayan ug hatagan og pahimatngon.