‘Batang ina’

Usa ka 13 anyos nga batang babaye sa Cavite namabdos kun gipamabdosan iyang klasmet ug nanganak.

Laing 13 anyos nga batang babaye sa Manila mao gihapon ang nahitabo sa iyang batan-ong kinabuhi. Klasmet gihapon ang kulprit.

* * *

Duha ra kini ka kaso sa teen pregnancies sa nanghitabo sa atong nasud.

Sumala pa sa United Nations, sa unom ka orihinal nga miyembro sa Association of Southeast Asian Nations (ASEAN)-- Brunei, Indonesia, Malaysia, Singapore, Thailand ug Philippines -- ang Pilipinas maoy nag-una sa gidaghanon sa kasong teen pregnancies.

Sa Manila gitawag kining mga batang nangamabdos nga “Batang Ina.”

* * *

“Mura la’g wa kanato kining isyuha,” matud pa sa usa ka health department official. Apan, matud niya, angay kini nga kabalak-an.

Dako kini nga problema dili lang sa mga pamilyang hingtungdan kun dili usab sa nasud nga Pilipinhon suma pa sa maong opisyal.

* **

Usa kuno sa mga hinungdan nganong daghan ug nagkadaghan ang teen pregnancies sa Pilipinas mao ang “kakuwang sa paggiya sa atong kabatan-onan.”

Matud sad sa laing tigpaniid, “sobra ra ka-permissive sa atong sosyedad.”

* * *

Iya sang gihisgutan (atol sa usa ka symposium) ang kinaiya sa mga batang Pinay diin mahadlok motug-an sa ilang ginikanan sa mga butang nga manghitabo o nanghitabo ngadto kanila.

* * *

SA LAIN BAHIN... Gikalipay nato ang nagpadayong suporta sa Banat News sa mga magbabasa diha sa mga barangay sa Lapu-Lapu City. Daghang salamat sa maong suporta.