EDITORYAL - Ang tag-P1 milyon nga bonus sa taga SSS

Daghan ang nakurat dihang  nasayran nga midawat og tag-P1 milyon nga bonus ang  mga  kadagkoan  sa SSS.

Ngilngig kaayong  mga   bonusa , pagkadako  sa maong  kuwarta nga alang  kanatong wa maanad  makalitan  ta, apan alang kanila nga anad sa pagdawat  sa maong  kantidad,  ordinaryo  na lang  kaayo kini.

Kay ngano  ang taga SSS ra bay nagdawatan  og  ingon  niini  kadagko  nga  pahalipay?

Ang taga  GSIS  diay, di  ba  mas  labaw  pa  sa  P1 milyon  ang  ilang gidawat  matag  buwan  nga  suhol?

Kun  ingon  niini  kadako  ang  binuwan, pila man  diay  ang  bonus, di  ba  mas  dako  pa  kay  sa  binuwan?

Apan wa matingala ang  mga  empleyado  sa goberno tungod  kay  nasayud  na  kining daan  nga  ingon  niana ang standard  sa  mga dagkong  opisyal  sa kagamhanan  sa nasud.

Makapatuyang  sila  sa ilang gusto  kay ila ang  balaod, busa  ang mahinungdanon  nga  anaa  tay  trabaho ug  mabuhi  nga  malinawon.

Kini  untang  ilang  suweldo  ug  mga bonus  nga  gidawat  di man unta  angay  pang tukion.

May katarungan  man  sila  nga  iningnon  niana  ang ilang suhol aron  nga di  kawaton  ang  pundo  sa pasiguro sa mga  kawani  sa goberno  ug  pribado.

Kay  kun higutman  kanang  mga  tawhana, ambot  may  pension  pa bang madawat  ang  mga  retirado sa SSS  ug  sa GSIS.