EDITORYAL - Ang mga politiko nga way batasan

Ang batasan maoy kinaiya  sa tawo, apan ang  mga  Cebuano  naanad na  kaayo  niining  termino  nga “way batasan.”

Kuwang  baya  kini  kun buot  hunahunaon  apan  magamit lamang  kini  kun  ang  tawo  anaa  na sa  hilabihang  kapungot mugna  sa  kinaiya  nga  iyang  nakita  sa iyang  isigkatawo  nga  way respeto  sa ubang  tawo.

Kasagaran  anha  nimo  kini  makita  sa mga  politiko, nga  sa dugay  nang  panahon  nga  mikandidato, gisuwayan  sa pagpadaug  sa  mga  tawo.

Dihang  diha  na  sa puwesto, nakalimot  na  nga  ang  lugar  nga  iyang  nahimutangan daghan  kaayo  og  mga  kalampusan  nga  nahimo ang iyang  gipulihan, apan  sa iyang  paglingkod, iya  kining  nakalimtan. Gipaila  niya  sa katawhan  ang  iyang  nahimo, nga  mao  pay  pag-ingnon  sa  mga  tigpaniid  nga  mikiat  lang  sa  paggara-gara.

Apan nakalimtan  niya  kun kang kinsang  mga  proyekto  ang  iyang  gilingkoran  nga  buhatan o opisina.

Busa angay  siyang tawgon  nga  politikong way  batasan, way respeto ug  ambot  kun  angay  pa ba siyang hatagan  sa laing termino  sa pangatungdanan.

Ngano  ba  diay  mamatay  ka ba  kun imong daygon  ang  mga tawong  nakatampo usab  og  kaayohan  sa  lugar  nga  imong  gidumala  karon?

Ang  mga tawo  nga  magsud-ong  kanimo makaingon, mura  ka  og  nabag-ohan nga mura’g gutom  ang tiyan.