EDITORYAL - Tax evasion case batok Jeane Napoles

Basin wa tingale siya masayud  nga  mobayad pa  siya  og buhis  sa  daghan  niyang  kuwarta.

Daghan  mang estorya nga  di lang kay P10 bilyones kapin ang  nasikwating  kuwarta  sa goberno  nga gimaniobra  ni Janet Napoles ang  inahan ni Jeane Napoles.

Kini tungod  sa mga butang  ni Janet  nga  ania  sa nasud  ug  tua  sa gawas  sa nasud.

Ambot  kun  makapahimus  pa  ba  kaha  siya  sa iyang  binilyon  ka pesos  nga  kabtangan.

Kun maghisgot ka  og  bilyon, gamay ra kaayo ang P32 milyones  nga  bayranan ni Jeane ngadto sa BIR.

Mahimong wa kini  tuyoa kay kining  mga kuwartahan  sa kuwarta  nga  murag  hatag  sa langit, makalimot  sa daghan  na kaayo  niining  gihunahuna pagpaburot  sa ilang  pagkabutang.

Kun gituyo  man , aw pila  ra  may  pag-withdraw  og  kuwarta  sa ilang bangko .

Sa kadaghang  kuwarta  sa bangko  sa  mga  Napoles, di kaha  kini  sila maglibog  asa  silang  bangkoha  mo-withdraw  sa maong  kantidad?

Samtang  kitang  mga  kabus, ang uban wa gyud  intawon  masinati unsaon  pagdeposito  og  kuwarta  sa bangko, tungod  kay  bisan  usa ka  diyot  wa gyuy  ikadeposito.

Pagkasayon ba  usab  kawaton  sa kuwarta  sa goberno nga unta  daghan  mang  mga  sistema  nga  gisagop  ang  kagamhanan  paghipos  sa buhis  sa katawhan.

Hinuon  ang  dali kaayong  makakawat  mao  ra  usab  ang mga  opisyal  nga suhito  na  kaayo  sa pagpangawat.