Ang take your medicine mentality

Atong makita diha sa telebisyon nga bisan ang ginagmay nga mga gibati sa lawas ang ato dayong imnan og tambal. Kini ang gitawag og take your medicine mentality. Butang nga nakapahatag sa implikasyon nga anaa ang medisina ug drugas bisan asa. Dugang pa kini nagpasabot usab nga ang mga tawo karong mga higayona ang dili buot og sakit ug sakripisyo. Kini usab ang hinungdan kun nganong daghan sa mga batan-on ang nahimong mogamit og drugas aron makalikay sa sakit nga kasinatian sa gugma, sa mga panghitabo o bisan man gani diha sa pamilya. Ang ginadiling drugas maoy gihimong diversion sa nasinati sa kasamtangan sa pagtuo nga kini tambal sa problema apan mao naman hinuon ang hinungdan sa lain ug mas dako pang mga problema. Mao nga aron ang mga kabataan dili modangop sa hulip nga mga katagbawan ug seguridad mas maayo nga ang matag ginikanan ang mohimo ning mosunod:

A. Makanunayong pagkuyog sa imong batan-ong anak panahon sa iyang dakong panginahanglang emosyonal.

B. Ang pagtudlo sa imong batan-ong anak aron atubangon ang bisan unsang problema sa kinabuhi bisan pa man kun kini nagkahulogan og sakit.