Civilized tourism

Ang National Tourism Administration sa China milusad og guidebook alang sa mga Chinese tourists aron sila dili makahimo og buhat nga makahatag og kauwaw sa mga Insek.

Ang maong guidebook alang sa mga Chinese kon Tsinos nga magbiyahian sa mga nasud gawas sa China.

* * *

Pipila sa mga etiquette kon pormal nga pamatasan nga angay sundon sa mga Insek mao ang:

* Dili mag-nose-pick kon manghingugmo sa publiko nga lugar.

* Dili mangibot sa nanglabaw nga balhibo sa ilong sa daghang tawo.

* Dili mangiki ginamit ang tudlo.

Kining maong mga sayop nga buhat makadaut sa imahe sa Chinese people, suma pa sa guidebook sa maayong pamatasan.

* **

Napugos ang National Tourism Administration sa pagpagawas sa maong Civilized Tourism guidebook human sa daghang report nga nadawat niini kabahin sa “stereotype of uncivilized behavior.”

Diha kuno to’y usa ka mainland Chinese nga inahan kinsa mipaihi sa iyang anak lalaki sa botelya sa softdrink sud sa usa ka busy restaurant sa Hong Kong.

Ang maong insidente mi-viral dayon sa social media diin dakong kadaut ang nahimo ngadto sa katawhang Tsino.

* * *

Sa laing bahin...ang MMDA didto sa kaulohan milusad di pa dugay og pa-guwapo” nga kampanya alang sa mga traffic enforcers niini. Ang tuyo mao ang pagpakita sa mga langyaw sa maayong postura sa mga enforcer. Pabistihon sila’g inutaw nga uniporme, tudloan sa pagpahiyom sa publiko, patotbrason, etc.

* * *

TRIVIA.. Maayong adlaw sa atong mga readers diha sa Carlock ug C. Padilla sts. Salamat sa inyong suporta sa Banat News.