Mr. Barangay

Mitawag nako ang hepe sa Borbon police station bahin sa napatik diri sa atong column bahin sa pagpamaligya’g shabu sa brgy Bagakay. Iyang giklaro nga wala gyud maapil sa ilang listahan ang maong barangay nga dunay presensya sa illegal nga drugas, hinuon iyang giangkon nga dunay usa ka tawo diha nga ilang gidudahan nga tigbaligya’g shabu pero adto na sa lungsod sa Tabogon niya ibaligya. Pero iyang gipasalig nga dakpon gyod ang maong drug pusher. Salamat kaayo sir Glen!

BRGY GUADALUPE, CEBU CITY

“Pagka-grabe na gyod kadaghan sa mga habalhabal nga nagbiyahi sa likod sa simbahan padung sa Kalunasan ug Napo kay paturagas lang padagan bisag way helmet.”

BRGY POBLACION, LAPULAPU CITY

“Sir concern lang ko aning among barangay hall kay sa taas makabantay man mi naay magduwa’g madjong unya mga trabahante ra sa barangay ang nagduwa, pwede ba diay na?”

BRGY SUNGKO, BANTAYAN, CEBU

“Sir hangtod karon wa pa man gyod aksyoni ang karsada namo nga gubaon padung sa Basawon, salig lang ni among mga opisyal kay dili kaayo mag agian diri dapita mao wa gyud sila’y pakabana.”

BRGY CABATBATAN, SAN FERNANDO, CEBU

“Sir pwede ba diay na nga ang konsehal sa barangay mao ra say contractor sa proyekto sa barangay? Unya kasagaran ra ba sa iyang proyekto pulos palpak kay daling naguba.”

BRGY MANTUYONG, MANDAUE CITY

“Mangutana lang unta ko Sir kun madayon ba ang pagpaguba aning among mga balay nga nahimutang daplin sapa unya kun madayon asa man mi i-relocate sa gobiyerno?”

BRGY PANLAAN, DUMANJUG, CEBU

“Patabang unta mi Sir ning problema namo sa tubig nga wa gyu’y agas-agas hapit na mausa ka buwan, ngano man tawon wala man gyud ni atimana sa among mga opisyales sa barangay.”

BRGY PANCIL, BARILI, CEBU

“Dili na gyod maagian ning karsada diri kay mura nag hunasan kay daghang mga lungag sama sa balay sa kagang hinaut nga mahatagan unta’g aksyon ning dugay na namong problema.”

BRGY BUHISAN, CEBU CITY

“Sir kanang nag-text nimo bahin sa problema sa sugal diri labi na sa madjong kay nasuya ra na wa tingali na sila’y trabaho kay pulos na man lang pamantay.”

BRGY BASAK SAN NICOLAS, CEBU CITY

“Diri sa may dalan Bontores naay poste diri sa VECO nga hapit na matumba wala man gyod ni maaksyoni nga unta kuyaw na kaayo ning makadisgrasya sa mga tawo diri.”

BRGY MANIO, SAN REMEGIO, CEBU

“Naay igsoon sa asawa sa konsehal maoy coordinator sa masiao maong wa gyod ni masulbad ug mabadlong sa kapitan, duol ra man unta ang balay ani sa sentro pero wala gyo’y nakapadakop ani nila.”

BRGY BASAK, LAPULAPU CITY

“Sir Jun wala man gyod masemento ang among agianan kun mag-ulan mapuno dayon sa tubig wala man gyod moatiman ang among mga opisyal sa barangay gipasagdan lang ang problema.”

Alang sa inyong mga reklamo text lang sa 09071678643