EDITORYAL - Di madIktahan ang mga employer

Way  trabahante nga wa mangandoy sa dakong suhol gikan  sa amo, apan ang tanan  mag-agad  sa kabubut-on  sa amo tungod  kay  sila amo.

Sa bahin sa RTWPB, kaantigo ang  tanan  motimbangtimbang kun unsa  ka dako  ang kantidad  nga  ipatong  sa  kasamtangang  suholan.

Usa  sa  mga  representanti  sa pamuo  mihulga  nga  modemiter  sa iyang  katungdanan  sa RTWPB  kun gamay  ray idugang  sa kasamtangang  suweldo  sa  mga  pribadong  mamumuo.

Mao man gani  nga debatihan pa kining  maong  isyu  sa tanang  sakop  sa RTWPB una aprobahi  ang kantidad sa  idugang  nga  suhol  sa  mga  mamumuo.

Ang  mga  taga  goberno  nga anaa  sa RTWPB sama sa  taga DOLE, NEDA, ug DTI, maminaw  usab  sa tingog  sa mga tagdumala o  negosyante.

Kun tan-awon  sa taga  goberno  nga  gamay  ra kaayo ang  idugang   sa  suhol karon, sila  ang  kaantigo  motimbangtimbang  kun  angay bang  dugangan  ang  kantidad  nga  isugyot  sa amo.

Ang  mga  trabahante  igo  rang  magpaabot  sa resulta sa mga  lantugi  sa duha  ka partido  diin  kuymehan  sa taga goberno.

Apan di baya tingale usab  maayo  nga mopatigbabaw gyud  ang gusto sa pamuo  nga kaping P100 o P80 ang angay  idugang  sa suhol karon  base  sa ilang  kuwentada , kay  ang  mga  negosyante  may  kaugalingon  usab  nga panukdanan pila  ang angay  nga  iumento   sa suhol  sa  mga  trabahante.