EDITORYAL - Ang mini nga Viagra may epekto ba kaha

Daghan  man  kunong  nakapalit sa  mga  mini  nga  Viagra  nga  gikan  sa tindahan  nga  gironda  sa mga  membro  sa NBI.

Gawas  sa maong  tindahan nga  nailhan  sa  NBI , may  uban  pa  kuno  nga  tindahan  ning  dakbayan  nga  namaligya  sa maong tinda nga  dali  kaayong  nakapanghipos   ug  wa na  mamaligya  niini  human  masakmit  sa  mga  otoridad  ang  mga baligya  ni  Ali Tang.

Ang  mga  nakapalit  ug  nakatilaw  sa  maong  mga  pildora nga Viagra  nakasinati  man  og  epekto  apan  dili  kuno  pareho  sa genuine  nga  dugay  kaayo  maluya ang  ilang  unod.

May usa  ka  na-interview  sa Banat News  kinsa  miangkon  nga  human  sa usa  ka sultada, aw  miawop  dayon  ang  iya ug  wa  na  makabangon.

Lahi  kuno  sa genuine  nga  tulo ngadto  sa upat  ka  hugna, mosukol  lang  kuno  gihapon   og  kombati  nga  makapatagbaw  gyud  sa kontra.

Apan  ang nakaayo  lang kay bisan  mini, barato ra  ug  busa  makaabot  ra  unta  sa maong  presyo  ang  mga  daginoton  og  kuwarta.

Tinuod  nga  bisan  unsa  ka guwapo   ug  ka kuwartahan  sa tawo  kun  luya  na  ang  armas  niini  , murag  siya  na  maoy labing  kabus  nga tawo  sa tibuok kalibotan.

Labi  na  kun  guwapa  siya  og  asawa  unya  igo  na lang  siya sa  paglayuglayog  niini  ug  di  na makahatag  sa hingpit nga kalipay tungod  kay  luya  na  ang  iyaha,  pagkapait  baya  ug  kaayong  ihilak sa  maong  kahimtang.

Busa  nindot  unta tong  bisan  mini basta  barato lang.