EDITORYAL - Si Binay di angay mauwaw sa mga pagsaway

Si Presidente  PNoy wa magpakita  og  katalaw  sa  gubat  sa Zamboanga  City pinaagi  sa pagpa-atras  sa puwersa  sa  mga sundawo.

Ang  iyang  mando  nga  sigurohon  lang  nga  ang  maigo  sa  mga  bala  mao  ang  mga  kontra  ug  di  kay  ang  mga  inosente  nga  sibilyan.

Gani  miingon  siya nga  nagsuyla  ang  mga  kasangkapan  sa gubat  diin  mas  daghan  ang  mga  sundawo  kay  sa  mga  rebelde.

Bala , armas, mga  sakyanan  sa mama, dagat  ug  kahanginan, aw mas labaw  ug  di bintahaan   kay  sa  mga  rebelde.

Apan  kun gisugo  man  niya  si  Vice President Binay  nga makig-estorya  kang  Misuari,  ambot  kun  ngano.

Si  Misuari  gituohan  nga  mipakita nga  puwersado  pa  kini  karong  tua  makigsuod  ang  kagamhanan sa MILF.

Kun  ipakita  sa goberno  nga  nabalaka  kini kun  moalsa  ang  MNLF, nagtuo  ang  mga  tigpaniid  nga  labing  mogara  si  Misuari.

Busa  di  gusto  ang  kadaghanan  sa maong  kinaiya  kay  ang  mga  hiyas  ni  Misuari, di halayo  sa ubang  mga  kriminal  nga  mga  rebelde  nga  gustong  paludhon  ang  goberno  kay  sila’y  mohari  dinhi  sa  nasud.

May  mga  grupo  nga  misaway  kang  Binay  dihang  misum-ok  kini  sa kagubot  sa Zamboanga  ug  mipahibawo  nga  ceasefire,  base  sa iyang  kasabotan  tali  ni  Misuari.