Every child is special

Usa sa akong mga paborito ang salida nga Every Child is Special nga gibituonan ni Ahmir Khan. Kun buot hunahunaon simple lang ang dagan sa sugilanon apan tabunok sa kahulogan ang matag dialogue ug matag gestures.  Usa ka maestro ang nakakita sa tinuoray nga bili sa iyang estudyante taliwala sa deperensiya niini. Uban ang mapailubon ug mamugnaong mga pamaagi ang maong estudyante ang nakalingkawas sa iyang kalibutan ug nahimong nagmapuslanon. Ingon ini usab ang Dios. Dili sa ingon nga nagdumili siya pagsud-ong sa atong kadautan apan tinukmod sa dakong gugma kanato iyang gipalapdan ang daan nang lapad niyang dughan alang kanato sa dakong pagtuo nga kita mahibalik ra gihapon sa iyang panimalay. Ang hagit niini alang kanato mao: “Atong tinguhaon nga atong mabugtian ang maong kaayo pinaagi sa makanunayong pagpaduol kaniya diha sa mga sakramento labina gyud ang sakramento sa pakighiuli uban ang paningkamot nga magbag-o sa makawalo sa matag higayon nga kita masayop sa makapito.”