Sa mas konkretong termino

Mahinungdanong himoon sa usa ka ginikanan ang gitawag natong "Concrete Terms" diin adunay mas tataw nga panagsabot kon agreement tali kanila ug sa ilang mga batan-ong mga anak.Kini ang naglangkob sa mga polisiya sa panimalay ug sa mga buluhaton. Sama pananglit sa tukmang oras mouli ang batan-on gikan sa kalingawan.

Unsa ang mga prebelihiyo nga ilang madawat sa mga higayon nga sila motrabaho sa mga buluhaton. Unsa ang mga silot nga ilang madawat kun adunay nahimong mga kalapasan.

 Ning paagiha ang matag batan-on ang matudloan sa buhing kamatuoran nga dinhi sa kalibutan dunay mga balaod nga angayang tumanon ug sundon. Ang pagkamasinugtanon ang magsugod gyud mismo diha sa tagsa-tagsa ka mga kaugalingon.