EDITORYAL - Upat ka senador sa pork barrel scam ?

Murag namansahan  ang  kridibilidad  sa nasud atubangan sa 95 milyones  nga  Filipino ning  pagkalambigit sa 200 kapin ka  mga  magbabalaod sa nasud sa P10 billion  pork barrel scam.

Apan unsa  ba  gyud  ang sala  nila, unsa   ka dako ang  ilang  krimen  nga makapabilanggo  kanila.

Dinhi  masud-ong  sa  kabus  ug  adunahang  Filipino  nga  ang  pagkawasig-wasig  sa  kuwarta  sa Pilipinas  gipangunahan  sa  mga  banggiitang  opisyal  niini.

Maayo  nalang  kay  nakakapaw  og  dyutay  ang  mga  proyekto  nga  inprastraktura  apan  samtang  nag-anam  kaanindot  ang  mga  mehoras  sa nasud ,  nag-anam  usab  kadaghan  ang  hilabihan ka kabus.

Nganong  gihilabtan  pa man  sa mga  magbabalaod  ang  katigayonan sa  nasud  nga  maayo naman  sila  og panginabuhi itandi  sa  labing  mga  kabus kansang  kinabuhi  ug  panginabuhi  nag-ilaid sa  hilabihang  kalisud.

Unsaon  man  pagtabang sa kagamhanan  niining  mga  tawhana  kun  ang  katigayonan  niini  sigehan  lang  og  kawat  sa  mga opisyal  ra  usab  sa goberno.

Pagkadakong surambaw ning  mga  tawhana  nga  gisaligan unta  sa katawhan  nga  makatabang  kanila  sa  ilang  kalisud  ugma  damlag.

Ang upat  ka  mga  senador nga  ngilngig  kaayo  og labok  sa  ilang  pamalaod  mao sila si senador Enrile, Honasan, Revilla  ug Estrada.

Pero sa ilang kahaniti sa balaod, mapriso  pa  kaha  sila  niining     ilang  pagkalambigit  sa maong krimen?