Spirulina Filipina

Si Mr. Domingo D. Tapiador, usa ka retiradong Filipino nga gikan sa United Nations/Food and Agriculture, nga sa 1994 gisulat niya ang libro mahitungod sa Spirulina, nga nagpaambit sa iyang kahibalo, kun unsa kadaghan sa milagrong benepisyo nga anaa ini nga may talagsaong birtud o gahum alang sa maayong panglawas. Nga anang higayona ,wa pa kaayo kini mabaniog sa atong nasud.

Ang Spirulina adunay mga 25,000 ka klase tanan ug 30 ka klase lang niini ang pwede makaon sa tawo. Apan  2 lang ka klase karon ang sagad giprodyus sa komersyal o industriyal –ang spirulina maxima ug spirulina platenses. Sa UP/Los Baños, dugay nang may gipanghimo nga lehitimong mga pag-eksperimento ini. Ug karon  may daghan nang misuway sa atoa aron sa pagkultibar og spiriluna.

Niadtong 2005, ang DLA Naturals sa Subic, Zambales, didto sa Luzon maoy kinaunahang nagprodyus og spirulina platenses. Ikaupat nga henerasyon nilang negosyo kini sa Filipinas nga nagsukad pa sa Uropa.

Gawas nga kini ang labing maayong klase, giila usab ang ilang produksyon maoy may kinatas-ang kalidad sa mga produkto sa spirulina sa tibuok kalibutan- ang SPIRULINA FILIPINA.

Sa sinugdan, usa lamang kini nga panginahanglan sa pamilyang Belgian dinhi sa atoa nga ipadala pud sa ilang kaliwatan sa Uropa. Nagkadaghan nga dili na mahurot nila og konsumo, gipanghatag na lang sa mga kabataan ug tigulang didtong dapita. Tungod sa awhag sa kalibutanong merkado, gipalapdan ang ilang produksyon. Gikan sa Filipinas, karon naa na sa 40 ka nasud sa tibuok kalibutan.

Ang SPIRULINA FILIPINA giprodyus sa kinabag-ohang teknolohiya sa Uropa nga maoy higpit nag-monitor aron mamintin ang kinatas-ang kalidad. Ang mga semilyang platenses espesyal usab gidebelop gikan sa Switzerland. Protektado ang mga farms sa mga environmental polusyon kay may haytek nga solar screen nga hinimo gikan sa Israel, aron sab permi makontrol ang hustong temperatura.

Ang DLA Naturals/SPIRULINA FILIPINA, miyembro sa UNICEFF nga migahin og badget alang sa pagpakaon sa mga kabataang kulang sa nutrisyon sa tibuok kalibutan. Bisan dinhi sa Opao Elem. School, nasugdan nag pagpakaon sud sa tulo ka bulan. Giplano nga isunod ang Cebu  City sa pagpakig-alayon sa DepEd. Busa susiha ug sulaye kun kini makatabang ba sa mga problema sa panglawas.