Positibo ug negatibong epekto sa rebelyon

Bata pa ako naanggaan na akong suberbiyo. Kini tungod kay sa akong pangedarong otso anyos ako motubag na man sa hamtong. (usahay mosupla kanila kun gikinahanglanon.) Apan alang kanako wala koy nakitang dautan sa akong gihimo. Igo lamang akong mipadayag sa akong hunahuna ug gibati. Otherwise, dili ko gawasnon.

Ang adolescent period mao ang period of transition. Ang usa ka batan-on ang makasinati og kalibog mahitungod sa iyang kaugalingon. Mao nga dunay mga mood shifts nga mahitabo. Ang nakadaut kay daghang mga hamtong ang dili maantigong mosabot sa maong kahimtang ug kabalhinan. Diyotay'ng pagpadayag mahitungod sa personal nga mga panahom usa na man ka rebelyon nga moresulta sa panagbangi tali sa mga ginikanan ug mga anak.

Apan kun buot hunahunaon dunay positibo nga aspeto ang rebelyon. Kini tungod kay ang bata makapadayag man sa iyang individuality nga molangkob sa iyang hunahuna, pagbati, paglantaw. Kini mopalambo sa iyang kaamgohan nga siya lahi diay kaayo sa uban ug kay lahi man siya, angay niyang ipamatuod nga siya lahi sa uban.

 Sa laktod dili maayo nga sa tanang panahon mo-blend ka lang sa imong palibot kay kini mo-jeopardize sa imong individuality ingon nga tawo.

Mao nga dili maayo nga sabton ang harmony ingon nga uniformity sa tanang mga aspeto. Mao nga matag ginikanan unta maantigong motahud sa matag individual footnote sa ilang mga anak. Labaw na nga dili haom nga mohimo kamo og comparison sa inyong mga anak kay kini degrading kaayo sa hingtungdan.