Pork barrel
Dunay sukaranan ang mga organizers sa "a million people march" karong adlawa batok sa pork barrel.
Kini bisan pa sa pahibawo ni Presidente Benigno Aquino III nga panahon na aron i-abolish ang Priority Development Assistance Fund kon PDAF.
Kini tungod kay samtang matud sa presidente panahon na aron papason ang pork barrel apan kuwang siya sa sinsiridad paghimo niini.
Maklaro ang ka taphaw sa baruganan sa presidente tungod kay tataw nga wa siya’y plano nga wagtangon ang iyang kaugalingon nga pork barrel.
Gani sa sitwasyon sa pagkakaron nga dili na hatagan og pundo ang mga senador ug kongresista, siya na maoy magkontrolar sa tanang pork barrel.
Mamahimo na niyang lubagon ang tanang magbabalaud aron mosunod sa bisan unsang iyang gusto.
Dayag nga ang gihimo sa presidente nga pagpahibawo sa pagpapas sa pork barrel niadtong Biyernes usa lang ka pakitang tawo aron pagbugnaw sa kadaghanan nga dili na mosalmot aa protesta karong adlawa.
Apan wala pa molampus ang kawsa sa katawhan sa pahibawo sa presidente.
Makaangkon lang sa kalampusan ang kawsa kun mismo ang presidente mopapas sab sa iyang discretionary fund.
* * *
- Latest
