EDITORIAL- Ang PDAF sa laing ngan

Yano  kaayo   nga  gipahibawo ni Presidente  Aquino  nga  wad-on  ang  ngan  nga  PDAF apan  magpadayon  pagdawat  og  tinuig  nga  gahin  ang  matag  magbabalaod    sa lain na  nga  ngan.

Ug  sa  maong  gahin  wa nay  mga  soft  project  kundi  pulos  na  hard  project  nga makaayo    sa tanan.

Usa  sa tumong  sa pamuno  nasud  mao  nga maminusminosan  ang  kawat  sa maong  kuwarta  sa  kagamhanan  nga  iyang  itugyan  sa  mga  magbabalaod.

Sa  China  may  gitawag  sila  nga  labing  dakong  anomaliya  sa panalapi sud  sa pila  ka dekada  mao  ang  giingon  nga  pagdawat  og  suborno  sa usa  ka  politiko  nga  bali og $4 milyones.

Pero  sa Pilipinas  ang  P10  bilyones  nga  pork barrel scam mao ra  og  wa,  kay  naanad  na  ang  mga  Filipino  sa  mga  binuang  sa  mga  opisyal  nga  anaa  ra  usab  sa puwesto  sa goberno.

Sukad  sa panahon  ni  kanhi  presidente  Marcos,  mao  ra  og karon  pa  mabaniog  pag- usab  ang  Pilipinas  ning  maong  iregularidad  sa panalapi.

Si Presidente  Aquino  kinsa  mipakita  og  kahigpit  batok sa  mga  kawatan  murag  di  makatug  ning  maong  anomaliya  hangtud  nga  way  kapahamtangan  og  silot.

Nagtuo  ang  kadaghanan  nga  una mogawas  sa iyang  katungdanan  ang  presidente,  ikapakita  niini  sa  mga  Filipino  nga  may  gahum  siya  pagpasilot  sa  mga  kawatan  ug kiriwan  tungod  kay  wa  siya  magbuhat  sa ingon.