EDITORYAL - Ang BANAT NEWS sa iyang ika-19

Matag  abot  sa  tuig  nga  kasumaran  ning  maong  pamantalaan  giisip  nga  iyang  kalampusan. Taliwa  sa   mga  suliran  nga  usahay  atubangon  niini, sa gihapon   padayon   sa  iyang   pakigbisug  nga   ikaalagad    ang  kutob  sa iyang  mahimo  paghatud sa  mga  balita  nga  gikinahanglan  sa katawhan.Sa  matag  adlaw,  ang  matag  panghitabo sa palibot   di  katulgan  sa  mga  reporter  sa Banat News  hangtud nga  ikahatud  ngadto  sa publiko.

Giisip  niini  nga  usa ka  kapakyasan  sa panahon  nga  may  mga  mahinungdanong  balita  nga  di  hisayran  sa mga  tigbasa  ning  maong  pamantalaan matag adlaw. Ang Banat News usa   ka  igsoon  nga pamantalaan  nga  The Freeman  nga  gipadagan  ni  Dr. Jose “Dodong” R. Gullas  uban  ni Mr. Boy Mendoza sa Philippine  Star Group  of Publications.

Matag adlaw way laing  gi-ampo  ang  tagdumala sa maong  mga  pamantalaan  nga  molahutay  kini  sa  iyang  dakong  gimbuhaton  sa  pagladlad  sa  mga  balita,  mga komentaryo, kalingawan, sugilanon ug  paugnat  sa kusog. Mao  man  gani  nga  alang  sa  kaliboan  ka  mga  tigbasa  ning  maong  pamantalaan  ang  among  mga  pag-ampo  sa makanunayon  ninyong  suporta  aron  kini  labing molig-on  ug  molahutay  sa iyang  panikaysikay  sa pag-alagad  kaninyong  tanan.

Giampo  namo  nga  magpadayon  kitang  tanan  sa  pag-ila  sa kamahinungdanon sa atong  mga  gimbuhaton  ug   kita angay   moingon,  MABUHI ANG BANAT NEWS.