Ang bangag ug ang wala pa makatugpa

Ang mga hunahuna nga gipadayag dinhi iya ra sa tagsulat ug walay labot ang Banat News ug mga sakop niini.

Ang pulong nga bangag ug ang wala pa makatugpa maoy mga pulong nga nagdala og kahulogan nga gihulip sa mga nalambigit sa paggamit sa ginadiling drugas nga ang wala masinati daw maglisod gayod sa pagsabot niini.

Adunay  kahulogan ang bangag nga dili lungag sanglit alang sa mga nalambigit sa ginadiling drugas maoy ilang gipasabot nga ang bangag usa ka lugar nga gihimo nilang suyopanan.

Ang laing bangag nga ilang gipasabot sa pag-epekto na sa paggamit sa ginadiling drugas nga daw manganaykanay sa tibuok nilang kalawasan human sa ilang pagsuyop og shabu o paghingus sa aso sa gidagkotan nilang linikit nga pinaugang dahon sa marijuana.

Ang laing pulong nga wala pa makatugpa  nga susama gihapon ang iyang kahulogan sa gipasabot sa mga nalambigit sa iligal nga drugas nga bisan gani ang polis adunay may mga higayon nga ang mga adik-adik nga mawagtang na sa iyang kaugalingon  pagatawgon man usab nila og wala pa makatugpa.

Sa higayon nga adunay motorista nga kusog kaayong mopadagan sa iyang sakyanan nga mag-ikis-ikis sa dalan  labing siguro nga daghan man ang maka-ingon nga ang maong drayber nga kusog mopadagan daw wala kini makatugpa.

Subay sa mga pulong nga gisabot na sa katawhan nga ang maong panultihon nga wala makatugpa o  bangag nga ikasulti mao kana sila ang wala mogami sa ilegal nga drugas.