Disiplina

Adunay limitasyon kun kinutoban ang tanan. Kini usab ang tumong ug tinguha sa disiplina. Ang disiplina sa usa ka ginikanan ngadto sa iyang anak, usa ka paagi aron nga ma-monitor ingon tang pulonga ang mga kalihukan sa iyang anak.

Apan sa laing bahin mahinungdanon kaayo ang pagkamabinantayon nga mabutang sa hustong konteksto ang disiplina sa atong kabataan. Kasagaran ang mga ginikanan ug bisan gani ang mga magtutudlo ang mohimo dayon og pag-label sa usa ka bata ingon nga maldito, dautan o salbahis kun siya makahimo og bisan unsang kasikas nga bunga sa iyang kasipat o kaluhag.

Mao nga tungod niini ipahamtang dayon ang disiplina. Apan alang sa usa ka bata, ang maong matang sa disiplina nga direktang giigo sa iyang pagkatawo ang nakaapekto sa pagtan-aw niya sa iyang kaugalingon. Nakalimot ang kadaghanan kanato nga angayan natong ilain ang BUHAT gikan sa NAGBUHAT. Sama gud sa ginaingon pa nila: “God hates the sin but loves the sinner!” wala kini magpasabot nga kun ang bata nanumbag ang iyang kinaiya dautan na lang gyud kaayo.  -- Sumpayan pa